សិក្ខាកាមចូលរួមជាបណ្ឌិត
សាស្ត្រាចារ្យ គ្រូបង្រៀនឯកទេសគណិតវិទ្យា និង មន្ត្រីអប់រំនៃក្រសួងអប់រំយុវជន និងកីឡាសរុបចំនួន១៨៥នាក់
បានចូលរួមសន្និសីទជាតិលើកទី២ ស្តីពីគណិតវិទ្យា និងបច្ចេកវិទ្យា៖
ការលើកកម្ពស់គុណភាព និងប្រសិទ្ធភាពនៃការអប់រំគណិតវិទ្យានៅកម្ពុជា នៅខេត្តសៀមរាប
សណ្ឋាគារអង្គរប៉ារ៉ាឌី ពីថ្ងៃទី២១ដល់ថ្ងៃទី២៣ ខែតុលា ឆ្នាំ២០១៥។
ក្នុងគោលបំណងលើកកម្ពស់វិស័យអប់រំគណិតវិទ្យានៅកម្ពុជា
សិក្ខាកាមទាំងអស់គ្នាសូមស្នើនូវសំណូមពររួមដូចខាងក្រោម៖
- បន្តការគាំទ្រយន្តការសម្រាប់អភិវឌ្ឍន៍ការអប់រំគណិតវិទ្យានៅកម្ពុជា ដោយផ្ដល់ថវិកាគាំទ្រសកម្មភាពជាអាទិភាព សិក្ខាសាលាតាមតំបន...ដើម្បីបំប៉នសមត្ថភាពគ្រូបង្រៀនគណិតវិទ្យាគ្រប់កម្រិត
- បន្តការគាំទ្រឱ្យមានការរៀបចំសន្និសីទគណិតវិទ្យាថ្នាក់ជាតិ និងថ្នាក់ក្រោមជាតិសម្រាប់ឆ្នាំបន្តបន្ទាប់
- ជំរុញឲ្យមានស្តង់ដាគុណវុឌ្ឍិគ្រូបង្រៀនគណិតវិទ្យានៅកម្ពុជាស្របតាមសេចក្តីព្រាងស្តង់ដាគុណវុឌ្ឍិគ្រូបង្រៀន គណិតវិទ្យានៅតំបន់អាស៊ី-អាគ្នេយ៍
- ជំរុញការអភិវឌ្ឍវិធីសាស្ត្របង្រៀនគណិតវិទ្យាថ្មីៗដូចជា Lesson Study បញ្ចូលការប្រើប្រាស់បច្ចេកវិទ្យាព័ត៌មានក្នុងការបង្រៀនគណិតវិទ្យា
- សូមវិនិយោគលើវិស័យបច្ចេកវិទ្យា គមនាគមន៍ និងព័ត៌មាន (ICT) យ៉ាងហោចណាស់កុំព្យូទ័រមួយគ្រឿងសម្រាប់សិស្សហាសិបនាក់
- ផលិតខ្លឹមសារឯកសារបង្រៀនគណិតវិទ្យាជាលក្ខណៈពហុព័ត៌មាន (Multimedia Contents) ដើម្បីផ្សព្វផ្សាយតាមប្រព័ន្ធអ៊ីនធឺណិត
- គាំទ្រថវិកាសម្រាប់សកម្មភាពបង្កើតសៀវភៅលំហាត់គណិតវិទ្យាស្របតាមកម្មវិធីសិក្សា
- សៀវភៅសិក្សាគោលនីមួយៗមានពណ៌ធម្មជាតិនិងមានបញ្ជាក់ឯកសារយោង
- បង្កើនការផ្គត់ផ្គង់សម្ភារៈឧបទេសសម្រាប់បង្រៀន និងរៀនគណិតវិទ្យាតាមសាលារៀនឱ្យបានច្រើន ហើយនិងការគ្រប់គ្រងប្រកបដោយប្រសិទ្ធភាព។
No comments:
Post a Comment